Ricky Chan's Diary, Final EncounterLife Goes On
Ricky333: weblog - photos - videos - audio - pulse - profile - reviews - events - subscribe!
ratings - flag  [ xanga - join - sign in ]
About this Entry
Posted by: Ricky333

Original: 9/5/2006 10:34 PM
Views: 42

Back to Your Xanga Site
   

Tuesday, September 05, 2006

 2003 å¹´ 08 月 14 æ—¥ 星期四 【晴】

　　WINNING大戰的日子。
　　打了很多舖，但並沒有輸，只和了一場。和人對戰與和電腦最大的分別就是有趣很多，多了很多趣事，對人可以一個扭晒三四個人，又可以兩次空門都中眉‧‧‧
　　今次自稱WINNING之父的人沒有來，不知是否怕輸，希望仲有下次機會玩。

>>2003年08月14日Thu 20:16:06 (GMT+8)

2003 年 08 月 12 日 星期二 【晴】

　　今日返左港大交FORM，同埋CHECK多次自己入資料是否正確無誤，順便來個港大一日遊。

>>2003年08月14日Thu 20:10:45 (GMT+8)

2003 年 08 月 11 日 星期一 【晴】

　　今天到港大登記，用了接近五個鐘，去完MAIN BUILDING，就要ONLINE登記，之後就要影相，再去自己的FACULTY，然後再去報O'CAMP及SOC。返到屋企就要睇好多資料。
　　然後睇中港聯隊對皇馬，中港聯隊入了兩球波，雖然輸了２－４，但已經打得好好了。睇完之後，要反思一條問題：世界未日是否即將來臨？

>>2003年08月11日Mon 20:20:29 (GMT+8)

2003 年 08 月 06 日 星期三 【晴】

　　今天是會考放榜及JUPAS放榜的日子，會考放榜已經親身經歷了三次，今年的會考放榜也不關我事，但JUPAS放榜就與我有關。比高考放榜較為輕鬆，所以不像放榜前夕睡不著覺，八時五十幾分就在JUPAS網頁看見自己的結果，幸好也能派到第一個志願。後來出了香港仔開銀行戶口，回家後得知文禮賢也能派到該科，很開心依然仍能做同學，而自杞班就有七個人入了港大。

>>2003年08月11日Mon 20:13:23 (GMT+8)

2003 年 08 月 02 日 星期六 【晴】

　　今天出去學普通話，學完普通話後就去玩最新、最強的足球遊戲WINNING ELEVEN 7，今集真的改進了不少，也吸收了其他足球遊戲的優點（包括ＦＩＦＡ及育成），細緻了很多，像真度也高了。球員的能力值也更新了，希斯基依然那麼好用！
　　然後就看球賽直播，龍之隊在上半場打的很好，不過下半場尾段就較為失色，其實，我覺得皇馬應該在後防方面加強一點，因為後防少了一個老大哥。
　　看完後就看金曲獎的錄播，開場表演的是周杰倫，非常的精彩，在「爸，我回來了」的ＲＡＰ的那段，改了一些詞，唱出自己在金曲獎只有兩項提名的感覺，真的很屌。不過，周杰倫在今屆的金曲獎並不如上屆般多獎項，反而陳奕迅就得了兩項大獎。


>>2003年08月04日Mon 18:52:02 (GMT+8)

2003 年 08 月 01 日 星期五 【晴】

　　今日一早就去了中央圖書館借書，借了一本英文書和兩本中文書，借完後就到了世貿打機，不過今天打機行不順利，ＢＨＧＳ２第一關已經死了，ＴＤ２又常常撞車。然後就到了東方１８８逛逛，發現有ＸＢＯＸ的ＭＭ３試玩便試試，但又不懂玩。
　　之後去吃晚飯，還比預期晚了一點才能去書展，這次的夜市書展依然有那麼多人去。人群把人民入境事務處、中環大廈和華潤大廈塞滿了，可幸的是，人潮也不是行得太慢。入到會展的時間，距離大會關場的時間只剩一兩小時，所以我們也只可走馬看花。在最後的大半小時，決定離開大隊，作出更快的搜索，節奏快了很多，若果舖頭沒有自己想看的書，便立即走到第二間。最後就買了一本「哈利波特」第五集英文版，比在外面買平很多，這是我第一本買的英文版哈利波特，希望可以看完吧。
　　最後就去了一間沒有豆腐花吃的糖舖吃糖水。

>>2003年08月04日Mon 18:38:52 (GMT+8)

2003 年 07 月 27 日 星期日 【晴】

　　在記述今日的事情之前，我想先說說之前的事。
　　早在應考高級程度會考前的某一晚，家中的電視正在播放著六點半新聞，起初也並沒有留意，後來聽見新聞報導員提到「利物浦」這三個字，我就立即聚精會神聽聽該則消息，聽見英格蘭著名球會利物浦有意在今年夏天訪港，既興奮亦懷疑，心想就算利物浦來港，若果自己考試考得不滿意的話，自己也沒有心情去看吧。
　　到了四月，就在香港初初爆發了非典型肺炎的期間，利物浦球會方面召開了記者會，證實將會來港，心中也減少了懷疑。不經不覺，過了高考，可悲的是香港並還未解除非典型肺炎的威脅，網上一度傳出利物浦方面會考慮將原定訪港的計劃延遲。在香港各界的努力下，香港從世衞的疫區名單中除名，利物浦球會方面也決定落實是次訪港行程。
　　就在正式開賽前五、六天，網上又傳出可能會有一強力的風暴襲港，更指有可能會取消球賽。的而且確，香港受到颱風的威脅，可幸的是，該颱風的路徑改變了，才不會阻延了利物浦訪港的行程。
　　終於等到今天了。
　　今天的天氣總算不錯，雖然是熱了一點，但總算沒有下雨，不會影響球隊的發揮。球賽在三時才開場，本來約了艾雲十二點四十五分在銅鑼灣等的，以便找到更好的位置，但非常抱歉地，我在一時才到達。發覺已經有很多穿著球衣的人往大球場方向走了，買完飯品後，便向著大球場的方向出發，沿途中有很多紀念品派發，包括報紙、望遠鏡、旗、帽等等。到了大球場後，驚覺太陽已吞噬了大半個大球場了，只有少部份地方是僥幸得到大帳幕的保護，心想可能因此要在烈日當空，三十多度的氣溫下，坐足約三小時了。由於想買一些紀念品作為紀念，所以就先到紀念品店看看，結果就買了一隻印有利物浦球會會徽的杯，售價是四十九元，給了收銀員六十元後，他在數一、二、三‧‧‧他竟數了十一個一元給我！然後便去找位坐了，幸運地我們坐的地方沒有太陽晒，這個位置也不錯，距離球場也不太遠。等了不久，利物浦的三名門將、香港隊球員、利物浦其他球員也相繼出場熱身，當然，各觀眾反應很熱烈，希望借著自己的相機把這一刻停住吧！我們更可以近距離看見阿叔同菜肉余。
　　時間過的很快，球員浩浩蕩蕩的從帳蓬中出場，看見利物浦球員，心中非常感動，平時只能從電視熒光幕看見的球星，現在竟然可以親眼看見，真的令我不相信，奏完國歌後，球賽要開始了。全場賽果是利物浦勝六球，香港隊不幸地不能成功攻入利物浦的大門裏。利物浦在今場賽事中並沒有留力，候利亞領隊亦很識做地讓奧雲出場逹六十分鐘之久，讓各球星有表演的機會。可以親眼看見奧雲、謝拉特和身型魁悟的希斯基在球場中比賽，真的很高興，有點可惜的是基維爾和芬倫不能隨隊東來。
　　從今次賽事中，看見巴士司機（巴路士和希斯基）兩人也表現神勇，希望希斯基能重拾信心，來季為利物浦爭奪各項殊榮吧！

熱身：

大球場少見的情況：

開場前：

希斯基要在下半場上陣了:

完場了!巴士司機每人入了兩球，史米沙和法國小將拿泰勒各入一球



>>2003年07月28日Mon 04:00:56 (GMT+8)

2003 年 07 月 26 日 星期六 【晴】

　　如常地去學普通話，今堂的進度比以往好多了！

>>2003年07月28日Mon 02:12:28 (GMT+8)

2003 年 07 月 19 日 星期六 【晴】

　　不經不覺又到了星期六，又是上普通話班的日子了。今堂的進度比上一堂好多了，相信是因為導師今堂決定教多一些比較易的字，以鞏固咱們的基礎。今堂學了很多廣東話同音而普通話不同音的字，獲益不少。在讀每一個字前，為確保自己讀得對，我們應該「三思而後讀」，首先要認清聲母的讀音，再而認出韻母的讀音，最後要注要的就是聲調。
　　發覺自己近來有一個壞習慣，就是遲到。雖然不是遲很多，但是也不太好意思。回想之前總是比約會時間早點兒到逹，現在郤往往遲數分鐘，看來我要改改這壞習慣了。

>>2003年07月20日Sun 00:00:49 (GMT+8)

2003 年 07 月 17 日 星期四 【晴】

　　今日又出左去皇室睇早場，＄25就睇左今日先上畫的「海底奇兵」。我覺得套戲超好睇，又得意，又有教育意義，個故仔又好，仲令人好感動添。PIXAR真的好強，「反斗奇兵」、「蟲蟲特攻隊」、「怪獸公司」都好好睇，而且這些戲都係老少咸宜的，就算成年人也能從這些戲中領略到一些道理。睇片頭時看到 PIXAR下一套片的預告-「超人特攻隊」應該都幾好睇。不過點解ＰＩＸＡＲ卡通的中文片名成日都有「奇兵」同「特攻隊」架！
　　睇完戲落左DELIFRANCE食LUNCH，成個lunch用左＄４１，黃泰都變態架，係咁Ｘ人塊檸檬，俾佢Ｘ到爛晒，雪榚雖然又貴又少，但好好食。
　　之後去世貿打機，一開始去左玩虛擬射手2002，用英格蘭，第一舖贏左，之後有一個人來挑機，佢用法國，臨完場前我有個半場前少少的罰球，我漫不經心咁射到最大力，巴夫斯竟然甩手，希斯基執雞。佢再挑，用巴西，俾我贏左2-0，佢再挑，今次用阿根廷，又贏佢１－０，佢再挑戰我，見佢用左１２蚊咁多，決定讓佢，輸左０－１。雖然好耐無玩，但係仲對隻GAME好熟，隻ＧＡＭＥ裡面的希斯基仲勁過奧雲。之後就亂咁玩ＢＨＣＶＧＳ同THRILL DRIVE 2。
　　然後去左１８８，再去吉野家，主要目的係磨時間，磨到四點半先返屋企，黃泰就繼續去圖書館磨。

>>2003年07月18日Fri 00:04:26 (GMT+8)

2003 年 07 月 13 日 星期日 【晴】

　　今天因為可以免費打乒乓球，所以就同文禮、小虎和子文到黃竹坑打，一共打了大約三個鐘。好耐無打，經常食「西」。一開始打雙打，打了六局，每人（除吳子文外）均要和吳子文一隊打兩局，結果六局裏面，有吳子文的那隊均會敗北，強如小虎也不能打破「吳子文的神話」。之後打單打，吳子文又係舖舖都輸。他的而且確是聖伯多祿天主教小學的校隊！
　　然後就上了孖０者的六樓后座食野，睇完佢地打一舖牌之後就走了，無謂獻醜。他們打牌打得很ＰＲＯ，一開始的時候孖０者拎張紙出黎，寫低晒各番數所代表的金錢，而且他們打的很大，和我們這些玩一亳子一番的相差甚遠！

>>2003年07月14日Mon 17:03:20 (GMT+8)

2003 年 07 月 12 日 星期六 【晴】

　　今日如常到香港仔學普通話，今堂發生了趣事，當在聲調練習的時候，我們要讀「情操」二字，但是我們卻讀錯了「情」的音調，讀成了「請」。

>>2003年07月12日Sat 17:28:25 (GMT+8)

2003 年 07 月 08 日 星期二 【晴】

　　今日出左去香港仔NEWAY唱Ｋ，第一次去果度唱咋，自從很久前發生的「阿四事件」後，已經好耐無去Neway唱喇！今次去令我對NEWAY有點兒改觀，服務好了很多，食物質素也有少許改善。我覺得成日最正的一幕係當大家在點歌的時候，小虎話要點「合久必婚」，不過頭兩個字的音調就用錯了，結果這首歌名就變成了一個很下流的名字，這個名字有可能成為新京都戲院下套戲的片名呢。NEWAY真的有很多新歌試唱，看來其他Ｋ場也兇多吉少了。
　　唱完之後就成班人去左吳子文屋企打麻將，阿妖亦就中途插入。今次又係打一亳子一番，雖然阿妖最遲加入，但係佢就贏得最多，我贏左少少。小虎看來近排狀態欠佳，成日都派錢，仲要食一舖咋糊添！搞到唔識玩的吳子文都可以第一舖就贏一蚊。


>>2003年07月09日Wed 12:17:18 (GMT+8)

2003 年 07 月 05 日 星期六 【晴】

　　尋晚好早就瞓左，所以今天特別早了起床。大約七點九到了香港大球場買利物浦香港之旅的門票，那條人龍真的很長，排到約十一點才能買到票，差不多用了三個鐘頭，比上次在海洋公園排隊玩「極速之旅」苦很多，今日的天氣實在太熱了，上次排隊總算不停地有微風吹過，不過這次排隊絕隊是值得的（如果奧雲來的話）。
　　下午就去學普通話，學完後就買了個新錢包，飲完野就歸家了！
　　晚上決定自己的選科次序。

>>2003年07月06日Sun 11:45:39 (GMT+8)

2003 年 07 月 05 日 星期六 【晴】

　　終於到了放榜的日子了，懷著戰競的心情踏入學校。很快就到上午九時，聽完各位老師講解我們需要知的事後，班主任便向我們宣佈了一個好消息，就是全班並沒有一個人在中化和UE這兩科取得不合格的成績，聽了後全班也很興奮（因為若這兩科不合格的話，便不能升讀大學的學士課程了），我也很開心，自己的憂慮減少了不少。之後就派成績單了，很快的就輪到了我（因為是順著學號派的關係），看完成績單後，發覺自己的成績比自己的預期好，雖然不是很好的成績，但我已經非常滿足了！如無意外也能入到自己想入的系。之後便到到處看看別人的成績，發覺自己的同學考得不差。最開心的是發覺我們班很多人也在化學科取得C級，我們也估不到，因為很多人也認為自己的化學成績兇多吉少的，另外我們班也有很多人ＵＥ能取得Ｄ，相信班主任心裡已經很滿意了。班主任估計我可以在UE作文中取得 A級的成績，之後我給她看我的成績單，發覺我只能獲得Ｅ級，真的真點兒可笑，其實我認為我的作文作得不太好的。
　　然後就上了一個拿３Ａ的同學家，用他的戶口在迷你論壇發了一個標題是這樣的題目：我AL 3條A，但係我無揀精算，點算？過了不久這題目引起了很多人的回應，更有些回應是有些粗口的，真的非常好笑！（按：在寫此文時，此題目已很久沒有人回應了）

>>2003年07月05日Sat 05:54:25 (GMT+8)

2003 年 07 月 03 日 星期四 【晴】

　　放榜前夕，自己班搞ＢＢＱ，但係自己都無乜興趣，因為太擔心自己的成績了，我怕去了燒野食時聽到同學在談論ＡＬ時會令我更恐慌，所以決定在家中「冷靜」。不過自己就睡不著，唯有不停聽喜歡的歌來減減壓！

>>2003年07月05日Sat 05:31:16 (GMT+8)

2003 年 06 月 28 日 星期六 【晴】

　　今天出了銅鑼灣看「千機變」，由於是早場的關係，所以票價只是二十五元，是超抵的。不過因為昨晚去完海洋公園太累，所以昨晚收不到電話，導致我到約會時間早一小時才知道該戲的放映時間，所以也是頗趕的，幸好亦能準時到逹。
　　看完戲後便去香港仔工聯會學普通話，不過阿西就缺席。今次的導師仍然是我學初衱普通話的導師，感覺也不錯。今堂主要也是複習以前學會的拼音和讀一篇很長的課文，發覺自己有點忘記了之前所學的（不竟已是兩年前學的），看來要勤加練習，正所謂「課文一定要多讀」嘛！



>>2003年07月05日Sat 05:27:24 (GMT+8)

2003 年 06 月 27 日 星期五 【晴】

　　昨天吳子文打電話來告訴我現在海洋公園有半價優惠，由於自己好耐都無去果度（至少有五年沒有去了，是因為票價太貴），所以便決定改去海洋公園，而暫時擱置去唱Ｋ的計劃了。而吳子文亦很快的在一夜間約了其他八個人一齊去，包括老漢、艾雲、黃泰、小虎、文公子、阿妖、 STELLA和MANDY。
　　一早便去了百佳買點東西吃，買完後便乘94A去黃竹坑，怎知巴士改了路線，累了我便要多行一程路，結果亦遲了不少才到逹海洋公園的大門（至少比小虎遲）。去到那裏出乎意料地看到很多人（我還以為很多學生仍要上學添，原來很多人也考完試了），排了很久才買到入場券。
　　一入場我們便向著安安同佳佳的位置進發，今次是我第一次探他們，不過去到有隻仲瞓緊，另外一隻就在吃竹子，的而且確，他們也很可愛。
　　去完睇熊貓，就乘纜車往海洋公園的另一邊。不過這次的纜車之旅很不普通，因為大家也密謀在纜車上「做人」。第一個被做的人係我，佢地話要幫我補祝生日喎！之後亦有人相繼被做，不過為左唔發生纜車意外，大家都好識做，自己CORN幾下，影下相，費事影響香港同海洋公園的聲譽吧！
　　我們完成纜車興奮之旅後，便去玩機動遊戲，不過越礦飛車就因「天氣關係」而停開（其實我們覺得今天天氣是不錯的，雖然之前有落雨），唯有去玩另一樣吧，名字不太記得了，是玩濕身的遊戲，我同文禮、小虎、阿妖坐同一架船，一跌落黎我地立即濕晒，三架船當中，我們坐的那架是最濕的了，可能是我們的那架較多人的關係吧。
　　跟住就玩韆鞦，雖然不刺激，但我覺得也頗好的，在空中吹風感覺也不錯。
　　到左食飯的時間，等完其他人買野食之後就去排「極速之旅」，由放自己怕嘔的關係，所以決定暫時唔食野住。等了又等，等了大約二個鐘後，終於輪到我們玩了。坐我右邊的是OLDMAN，右邊的是路人甲。我們慢慢升到上最頂，然後我們便急速降落，一落去的一煞我真的有點害怕，但之後便不怕了，反而想多上一次。
　　之後有些人去了等海盜船，其餘的人就去海洋劇場，看了一場海豚和海獅的表現。看完後就到各館看海洋生物，那裏的魚也很特別，有些魚還非常大呢，看見它們的份量，自不然會令人想起教化學的老師。
　　看完也差不多到海洋公園關閉的時間，不過見觀光塔沒有人在等，所以便上去看看風景。高處看見等乘纜車的人龍很長，便決定再上多一次塔頂再從高處看看風景。
　　乘完纜車後，便到出口的那個景點影最後一幅相，結束今次海洋公園之旅。
　　回到家中一坐下，還有點在玩「極速之旅」的感覺。總括今天的行程也是頗好玩的，最大的可惜是沒有過山車和越礦飛車玩吧！


>>2003年06月30日Mon 03:35:47 (GMT+8)

2003 年 06 月 20 日 星期五 【晴】

今天去了７Ｓ畢業聚餐，約了吳子文、黃泰和阿殊在巴士站等，但是吳子文和黃泰也遲到了。當看見吳子文從遠處跑來的時候，實在難以置信，看上去像是一個老闆一樣。黃泰遲到的原因相信就是著打ＰＳ２吧！
在食野之前，大家看了一段關於７Ｓ的片段，我個人覺得以最後的戰役來當背景音樂，眾人被做的一幕最正！（相信那套片的男主角是小虎）
食完野之後，就有LUCKY DRAW，我被抽中了，幸好抽牌時抽中「獎」（得到的是一條縺），不然就要變做衣夾科學怪人了或是要穿難以形容的褲子了。心想捱過了一關，還沒有坐定就又被抽中，今次是要玩「開口中」，如果真係講中果個NUMBER，身上就會多了無數的爽身粉了。不過總算好運，也捱過了四關。
各人最後也得到了一個匙扣，如果將那些匙扣合起來，就能砌成７Ｓ的字樣，我覺得這個構思很不錯。



>>2003年06月23日Mon 15:31:21 (GMT+8)

2003 年 06 月 17 日 星期二 【晴】

這天出了香港仔工聯會報中級普通話，約了阿西出去，但是我遲了一點到，到了之後發覺不見阿西，打電話給他，發覺他不知醒，原來昨晚他打機打得較晏，結果便遲到了。不過我也不太介意，因為我也曾經試過這樣。


>>2003年06月22日Sun 15:33:31 (GMT+8)

2003 年 06 月 14 日 星期六 【雨】

好耐無寫日記了!
今日出左旺角睇「衰鬼上帝」，本來套戲係十點二十分開始的，但是由於老漢搭錯車的關係，所以大約遲了十多分鐘才到了旺角，最慘係到左戲院仲要有幾層扶手電梯搭，相信我們是miss了開頭的情節吧，不知道Bruce為甚麼那麼憎「天」和那個可以做主播的錢艾雲。不過，這也不太緊要，套戲也是頗好笑的，而且只是二十五元而已。
睇完戲就去了大快活吃飯（本來想吃豪點的，但是黃泰不肯），發覺咸蛋只需一元五毫，而且還可配米粉、河粉或瀨粉，認真抵，不過就無人敢試。
之後我地差唔多行晒旺角各大商場，發覺旺角某些精品店好鐘意賣一些玩偶，但是那些玩偶的銷售對象肯定不是兒童的！
差唔多行左成六個鐘就各自歸家了!

>>2003年06月16日Mon 11:41:29 (GMT+8)

2003 年 06 月 05 日 星期四 【晴】

今日返學校拎中七的TESTIMONIAL, 順便寫埋信申請攞返張中五的TESTIMONIAL, 由於我去到OFFICE先知道要另外寫封信攞中五的TESTIMONIAL, 唯有臨時寫啦, 好彩OFFICE的人好人, 俾返我之前寫的那份'範本', 不是的話, 我都唔係咁識寫.
返屋企之前順便去埋香港仔工聯會拎本課程簡介, 為日後報普通話作準備.

>>2003年06月05日Thu 11:38:04 (GMT+8)

2003 年 06 月 03 日 星期二 【晴】

今日去完麥記交完GRAD. DIN.的錢後就搭車返學校, 為的是攞返張畢業證書同TESTIMONIAL. 攞TESTIMONIAL的第一刻, 發覺老師評分果欄係吉左0既, 心諗可能咁樣係正常的, 但係過左一陣之後, 就睇到吳子文同STELLA係度比較緊老師對他們的評分, 原來出錯了, 結果又要星期四再去拎過, 又要0徒車錢. 去完麗絲食飯就歸家了.

>>2003年06月05日Thu 11:34:04 (GMT+8)

2003 年 05 月 30 日 星期五 【晴】

今日係JUPAS網上改CHOICE最後的一日, 由於自己屋企人無信用卡, 所以用住吳子文屋企人果張先, 一早就上左去佢至企改CHOICE. 改完之後, 就返學校交信, 申請攞推薦書同畢業證書. 食完飯就上T-BAD屋企開枱, 由於吳子文唔係咁識打麻將, 加上佢的強烈要求之下, 我地竟然要打 '一亳子一番' ......不過吳子文真係好勁, 唔單止唔識打, 仲要打埋D'混二色','混三色''的牌, 仲要食詐糊添!
第一舖我食完糊之後, 小虎就自摸左幾次, 不過自從吳子文唔打坐左0係小虎旁邊之後, 小虎就無咁好手氣了. 最後, 我係大贏家(但係都係贏幾蚊咋), 小虎贏小小, T-BAD輸小小, SAMUEL打左等於無打, 零增長, 當然, 大輸家係吳子文, 不過佢叫人打一亳番, 最後輸錢又無散紙, 結果條數就KEEP住先. 寫住個日記KEEP住個記憶, 以作日後追欠債之用!


>>2003年05月31日Sat 11:38:55 (GMT+8)

2003 年 05 月 28 日 星期三 【晴】

今日要去港大INTERVIEW, 科目係SOFTWARE ENGINEERING(SE), 由於我唔係咁識港大D路, 所以就早D出門口, 比約定的時間早了大約半個鐘到. INTERVIEW之前有個INFORMATION SESSION, 介紹下何謂SOFTWARE ENGINEERING, 我相信那個講者就係上年學友社果個JUPAS TALK介紹SE果個人, 因為講的內容大致上也差不多, 又係話SOFTWARE ENGINEERING唔係淨係寫PROGRAMME咁簡單, 又係話'無得撈拉'係世界上寫得最多SOFTWARE的公司等等. INFORMATION SESSION之後就係分組討論, 但係呢部份唔係INTERVIEW, 只係好似傾偈咁, 有一個TUTOR問下我地野, 又答下我地野, 原來好多報呢科的人都未真正寫過PROGRAMME或者有修COMPUTER的科目, 另外, 我發覺有一個組員貌似我們教電腦科的老師. 最後, 才到了IONTERVIEW的部份, 形式是個人面試, 有兩個INTERVIEWER, 主要都係問下我點解揀呢科同埋問下我之前參加的活動係乜的問題, 好彩無問我學術性問題 0者, 始終我覺得呢個INTERVIEW都唔係咁FORMAL, 然後果兩個INTERVIEWER就講下D收生的概況俾我知, 成個INTERVIEW歷時二十分鐘.

>>2003年05月31日Sat 11:27:23 (GMT+8)

2003 年 05 月 21 日 星期三 【晴】

今日去港大聽TALK, 但係我覺得實用性不強. 之後去檸蒙屋企打牌, 今次佢地話要計錢, 咁未玩下囉, 第一舖輸左, 之後差唔多六七舖都唔關我事, 又唔贏又唔輸, 但係之後惡夢就開始了, 差不多舖舖都有我份輸, 食得一兩舖糊咋, 結果一家輸三家, 輸左二十港元啊!

>>2003年05月29日Thu 07:18:17 (GMT+8)

2003 年 05 月 20 日 星期二 【晴】

今日本來要12:20到UST聽TALK的, 但係就十分不順利. 首先, 本來約左泰爺11:00巴士站等的, 10:55打去佢屋企佢話佢預備緊, 我諗住咁樣佢會遲到, 所以決定放慢自己準備的速度, 結果11:10先落到巴士站. 之後去到唔知邊個地鐡站的巴士站, 發覺直達香港科技大學的巴士的尾班車已經於9:15分開出了, 問過站長之後, 發覺要搭地鐡到寶琳巴士站才有直達科大的巴士乘搭, 結果去到科大已經12點幾喇. 聽左大約小時後, 問番李淑嫻先發覺自己MISS左的資料並不是太多, 但係就無得拎紀念品. 幸好, 當我們決定離開科大的一刻, 發覺有一間房擺放了很多紀念品( 包話MOUSE PAD+CALCULATOR, 飲品同食物), 總算不枉此行. 去到巴士站等車的時候, 發覺有很多比我們年老的人, 看樣子他們不像PROFESSOR, 後來有架中旅的旅遊巴, 原來他們是跟旅行團來的, 估不到科大也是香港的一個旅遊熱點.
之後去左世貿打機, 玩兩舖THRILL DRIVE 2都輸俾黃泰, BHGS玩到第二關BOSS就香左.
.


>>2003年05月22日Thu 15:54:34 (GMT+8)

2003 年 05 月 14 日 星期三 【晴】

今日又返學為CLC的口試作最後的準備, 本來約左係8點半, 但係因為我支探熱針度運作不正常, 阻延了我的時間, 所以到9點先返到去. 今次練完之後, 就無得'返屋企'喇, 要返自己屋企整理心情.
今日要到梁球鋸應考, 早了半小時到, 梁球鋸就在贊育醫院旁邊, 十八之前我就這誔生了! 雖然又係咸蛋同一個時間,同一個試場, 但係就無緣同一組. 今次考試表現麻麻, 到歸家的途中才諗多一個論點, 真有點灰. 不過總算完成今年的AL旅程.....

>>2003年05月15日Thu 13:57:38 (GMT+8)

2003 年 05 月 12 日 星期一 【晴】

今朝一早就返去學校為中國語文及文化科的口試作準備, 練習小組討論和個人短講, 由於返學要全程戴口罩, 真的頗辛苦....結束左約兩個小時的練習之後, 就梗係'返屋企'啦!
好耐都無返屋企喇, 有成年無返, 原來LEMON屋企有部新電腦, 仲可以用佢部腦玩N64的遊戲添, 不過雖然佢部腦係新, 但係部腦都有好多咸野0係度.....
食完飯之後, 因為T-BAD想玩DX( 由於LEMON部DC吊緊鹽水, 所以畫面很矇, 而且隔段時間仲會無畫面睇, 所以感覺上真係好似打緊仗咁, 好有臨場感), 所以我可以代替佢打麻將. 由於我係一個打麻將的新手, 所以我可以食只有一番的糊, 但係其餘三位要有三番先食得, 由於難度比易, 所以也食了幾次. 最後一舖我仲食三番添!

>>2003年05月15日Thu 13:48:25 (GMT+8)

2003 年 04 月 30 日 星期三 【晴】

今日出左去睇戲, 睇戲之前梗係有前戲, 就係去世貿打機喇! 一開始就玩THRILL DRIVE 2, 參賽的人有OLDMAN, 吳子文, 我同埋AI (本來有泰爺, 但係佢就中途有意外, 中途插入不能....) 戰果竟然是我包尾, OLDMAN第一, "打機天才"吳子文第二, 人工智能第三, 點解會咁.... 唯有賴軚盆唔掂啦. 跟住就玩好耐無玩0既 GUN SURVIVOR 2 :BIO HAZARD CODE VERONICA, 而家玩淨係要1 蚊咋, 真係手軟價, 不過都唔係玩得咁好, 始終唔記得左以前研究的技巧喇, 兩舖都係0係第二關同一個位死左........不過最搞笑係吳子文打呢隻GAME可以打到好激, 佢個身係會不停隨著主角的移動而移動, 跟住打第一關果隻蜘蛛BOSS時仲要好大聲咁狂呃救命, 真係笑到肚痛.
之後到左高潮, 就係去睇戲, 竟然係小虎最早到, 相信世界未日真係即將來臨喇, 識小虎咁耐印象中佢都無次準時的. 今次睇的是<<特務戇J>>, 雖然有D笑料係已經預知得到, 但係整體黎講都幾搞笑, 而且這套戲是由英國方面拍的, 並不是看慣看熟的美國片, 感覺也不一樣, 套戲是講述一個法國人想做英皇的, 英國特務英烈用盡方法阻止這名法國佬的詭計, 戲中有很多英國景, 所以我也十分喜歡, 我總覺得英國的建築物很靚, 雖然看似古舊, 但是很親切, 今次真係大開眼界. ROWAN ATKINSON飾演的特務角色真的是烏龍百出, 真係唔明點解女主角會搵佢幫手做野...
睇完戲就去左天天網吧同新京都附近的集成買THIRD ENCOUNTER EASON CHAN LIVE DVD, 也結束了今天的旅程.


>>2003年05月01日Thu 22:14:29 (GMT+8)

2003 年 04 月 28 日 星期一 【晴】

今天是我媽媽的生日, 也是鄧謂儀同學的生日, 祝他們生日快樂!
大半班7S同學去左深水灣燒野食, 慶祝鄧謂儀的生日. 我去到很少燒野食, 不過見LEMON條腸燒到爆晒, 真係搞笑. 最好玩的就是燒完野食之後, 就出左沙灘玩, "毫無預謀"地掟左道明小虎落水, 之後文禮, OLDMAN, HARLAN同吳子文亦相繼被掟落水, 不過吳子文好難掟, 始終佢的身材很FIT...幸好我同檸蒙都無比人掟...........
之後搭尾班車各自歸家了.

>>2003年05月01日Thu 21:34:22 (GMT+8)

2003 年 04 月 22 日 星期二 【晴】

<日記遲了UPDATE>
今日睡晏左, 所以爽了約.
終於買到PHANTASY STAR ONLINE EPISODE I & II 了(這是一隻ONLINE GAME), 其實隻GAME上年九月已經出左, 但係為左考試而忍左手好耐, 呢家得閒終可以玩到喇! 有左呢隻GAME就唔駛咁悶喇! 因為在玩ONLINE GAME的時候, 你會被隻GAME吸引著, 無法自拔, 所以我認為玩ONLINE GAME是善用餘閒(正確點說是浪費時間)的最好方法.

留言回覆:
BEN: 我無SEND到ICQ MESSAGE俾你話我加左日記咩? 可能我遺忘左卦, 希望你能見諒! 你都放完非典型復活節假啦, 仲有無時間出黎打機食飯哦?


>>2003年04月23日Wed 16:26:41 (GMT+8)

2003 年 04 月 21 日 星期一 【晴】

因為係復活節假期的關係, 英超聯今日也有舉行賽事, 有波睇都無咁悶. 電視只直播了車路士對愛華頓的一場賽事, 場波都算係精彩, 有五個入球咁多, 但係我留意0既唔係呢樣野, 而係另一邊利物浦果場波0既賽果, 雖然被查爾頓首先攻入一球, 幸好最後亦能憑謝拉特於臨完前的入球反超前, 取得勝利, 現在利物浦仍然有機會取得來季歐冠盃的參賽資格, 真是可喜可賀, 利物浦於季中雖然表現差, 但幸好季尾能回復應有的水準, 相信現在利物浦的FANS也只會期望利物浦能位列英超的第三,四位, 而不會奢求會取得第一,二位吧(基本上這是沒有可能的).
今年的英超的確緊張, 頭兩位爭冠軍, 三至五位在競逐歐冠參加資格, 不到最後也不知道誰勝誰負呢!

>>2003年04月22日Tue 10:34:36 (GMT+8)

2003 年 04 月 20 日 星期日 【晴】

在網上看到可口可樂總裁的一番話, 現在引述下來: 我們每個人也像小丑, 玩著五個球, 五個球是你的工作, 健康, 家庭, 朋友, 靈魂, 這五個球只有一個是用橡膠做的, 掉下去會彈起來, 那就是工作. 另外四個球都是用玻璃做的, 掉了, 就碎了. . 太有意思了!
呢排的生活好像是日夜顛倒了, 不用再像以前七點就要起身, 結果好晏先起身, 淩晨四五點才睡, 真是一個"夜鬼". 國際台有得播戇豆先生的卡通版, 雖然沒有ROWAN ATKINSON的真人演繹, 但是仍然笑料十足, 卡通版的戇豆照樣表情多多!


>>2003年04月21日Mon 14:55:01 (GMT+8)

2003 年 04 月 19 日 星期六 【晴】

終於有機會看到<<哈利波特 消失的密室>>了, 發覺自己已經不太記得小說的劇情了, 所以看起來也很有新鮮感. 看戲比看小說的好處是比較形象化, 劇情也比較緊湊, 不過卻比小說遲出很久.


發覺近來很多人的話題也是圍繞着特首夫人, 還稱她是懵太超人, 引來很多負面的爭議, 但我們試試從第二個角度來看看此事吧, (以下皆是個人意見, 但有些是按著良心說的....) 一位特首夫人微服出巡到一個重災區( 牛頭角下村), 她是冒着生命危險的, 我們應該向她對老人家的關心表示支持, 也應該讚賞她的勇敢. 戴口罩是最基本的保護措施, 但是特首夫人知識廣博, 知道非典型肺炎可以透過眼來接觸到, 所以便加埋眼罩一個囉. 而且果度係重災區, 著埋保護衣物又有何不可? 特首夫人去果度的目的之一就是派防炎包和提高老人家的防炎警覺, 老人家見到呢位阿太咁0既裝備, 肯定可以提高驚覺啦! 特首夫人千叮萬囑要老人家 千祈千祈千祈洗手洗手洗手, 老人家聽到咁鬼多個千祈同洗手幾個字, 仲唔識自發性去洗手咩! 而且, 呢家香港已經有好多人有非典肺喇, 特首夫人加多D保護, 自然不幸患病的原因也會減低, 以免增加前線醫護人員的工作, 其實她是用心良苦的.
這個非典肺是可怕的, 是可以致命的, 請大家不要忽視這個病, 也做充足的防備措施吧
留言回覆:
健: 多謝你的留言, 我也參加了你的FRIENDTEST, 可惜成績強差人意...

>>2003年04月20日Sun 19:57:49 (GMT+8)

2003 年 04 月 18 日 星期五 【晴】

昨晚十一點幾已經開始向高手請教裝修日記的技巧, 到了今晨大約三時才大功高成, 現在這個日記總算有了生氣, 總比只有白色背景黑色字好看得多吧. 也順便加了幾首我很喜歡聽的歌的MIDI, 不過你地唔鐘意鐘可以PAUSE左佢架!
特別要多謝小虎SEND左兩個幾有用0既網俾我, 同埋阿西0既悉心教導(相信我也阻了他不少時間, 而且他也未考完試呢, 不過他的日記真的很靚), 多謝這兩位裝修師傅吧!
回覆留言:
EDMOND: 多謝你的留言, 希望你能在接下來的AL AM考得好成績吧! (也是第二好不好)
NGTSZMAN: 屌! (註: 這屌是國語來的, 並不是廣東話, 也不是粗話哦, 是強的意思)
AHSAI: 不用客氣, 也不是太遲吧! 由於這裡是SHOWHAPPY, 我會盡量寫我的開心事, 不太想SHOWWORRY呢!

>>2003年04月18日Fri 19:04:33 (GMT+8)

2003 年 04 月 17 日 星期四 【晴】

今天才是我日記開幕的日子, 之前幾日的日記都是我補寫的. 這裡暫時無音樂, 無背景, 無顏色, 不過我遲D會一一加上架喇!
由於比較得閒的原因, 終於可以再全心睇波喇! 之前考試時, 就算真係好想睇, 都只係開著部電視, 睇睇下書才偶而望電視機上的戰況,賽果. 現在可就不同了, 今朝看了阿仙奴主場迎戰曼聯的直播, 戰果是2-2, 俾文禮估中是打和了. 由於阿仙奴果面入的第二球是越位的, 旁證亦沒有舉旗, 所以那球曼聯輸那球輸得很不抵的, 幸好, 不夠一分鐘, 又比曼聯追返和. 如果阿仙奴因為那球證的錯誤判斷而攞晒三分, 甚至因為有呢三分而攞左冠軍, 咁曼聯就慘喇, 阿仙奴也勝之不武吧!
留言回覆:
多謝小虎的留言, 我有很多關於這個日記的事要向你請教呢! 不竟你也算是我們7S班開日記的元老!

>>2003年04月18日Fri 02:57:18 (GMT+8)

2003 年 04 月 16 日 星期三 【晴】

今天是吳子文的生日, 祝他生日快樂!
比預期遲左少少去PIZZA HUT為吳子文慶祝, 不過都總算唔係最遲(基本上有約到小虎呢位仁兄就唔駛驚自己係最遲果個架喇, 約過佢的人都應該知). 除了吳子文外, 出席的人有阿妖, 檸檬, 老漢, 小虎, RINGO, 文禮, JOSEPHINE, CHARLOTTE, 哈倫, RACHEL, TAMMY. 席間有很多笑料, 主要都是圍繞文禮, 肥文同JOSEPHINE呢三個人, 可能文禮考完試無野做, 竟出言氹女仔. 而且有些笑料是不太正經的....由於阿妖剛剛考完PRACTICAL, 便向他請教做實驗的情況, 知道大約考咩後都無咁緊張.
差唔多時間就撘車上路去英華, 發覺早到了45分鐘, 便四處走走, 順便去參觀下男廁, 印象中好似係我第一次去'女校男廁'. 等到成三點九先有得考, 足足等了一個鐘, PRATICAL除了第一個實驗蠢左犯左個錯誤之外, 其他兩個實驗都無乜問題.
考完之後出了灣仔行左一陣, 主要係為了搵野同埋幫吳子文睇出左碟未, 自己就搵唔到自己要搵的野, 不過就睇到8 MILES DVD出左, 應該是水貨來的.
返到屋企時又食切雞, 食食下飯發覺電視在播'視象聖經', 發覺都幾好睇, 希望可以從而對聖經甚至是耶穌多些了解吧. (我記得我在小學時也很喜歡看這些節目的, 仲記得有集係講聖母顯靈的, 大果個就發覺這集就是講花地碼預言, 頭兩個預言已經實現左好耐, 聽說第三個是講世界未日的, 而且是非常令人害伯的, 人是否一日一日邁向世界未日呢? 又打仗又SARS, 這些是否就是未日的先兆呢?)

>>2003年04月18日Fri 19:05:36 (GMT+8)

2003 年 04 月 15 日 星期二 【晴】

今天沒有考試, 結果睡到十一點幾先起身. 食完午飯醒起今天是陳奕迅出國語碟的一天, 便第一時間(不是出門口到唱片舖...)開著電腦上網睇下有人SHARE未, 等到兩點幾先有得DOWNLOAD. 聽完第一次後有點失望, 跟住聽多次又好似好聽D, 越聽就越好聽吧! 之後打下機又過一日喇.

>>2003年04月17日Thu 03:02:30 (GMT+8)

2003 年 04 月 14 日 星期一 【晴】

今天是我第一日寫日記, 希望大家多多指教吧
今天對我來說是一個大日子吧, 因為考完今日的PURE MATHEMATICS的AL考試之後, 我就可以輕鬆一陣子了, 接下來的考試也唔可以點溫的. 不過我不想談考試的事.
考完PAPER1之後就好多人一齊去港大飯堂食飯, 真的好多人, 坐埋成兩張枱, 仲有張係大枱添. 不過唔知之後仲有無機會出入港大飯堂呢....
考完PAPER2之後就要為黎緊個星期三的PHYSICS PRACTICAL做準備, 就是去找英華女校. 因為我同老漢覺得英華距離ST. PAUL不遠, 便打算行路上去, 但T-BAD卻想搭車, 最後佢都要服從我地的旨意. 行到差唔多到目的地的時候發覺條路很窄, 而且有點兒危險, 也有點似曾相識, 令我和OLDMAN再次想起之前俾人FAKE去搵玫瑰崗的事, 最後也順利找到要找的學校, 之後就各自歸家,
返到屋企可以輕輕鬆鬆上網了, 真好啊! 晚飯又有我很愛吃的切雞, 今天過得不太錯吧.


>>2003年04月17日Thu 02:56:19 (GMT+8)
 Posted 9/5/2006 10:34 PM - 42 Views
xanga - your site - terms - privacy - jobs - help - press - join - Language
safety - parents - law enforcement
report inappropriate content